（ສະບາຍດີ ນັກຂ່າວຄຳປະເສີດ）ເມື່ອງບໍ່ດົນມານີ້,ພະແນກການເງິນແຂວງຢຸນນານແຈ້ງໃຫ້ຮູ້ວ່າ,ນັບແຕ່ຕົ້ນປີນີ້ເປັນຕົ້ນມາ,ພາກສ່ວນການເງິນແຂວງຢຸນນານໄດ້ກະກຽມເງິນທຶນທັງໝົດ 71.04 ຕື້ຢວນ,ແລະໄດ້ອອກພັນທະບັດພິເສດສະບັບໃໝ່ 13.5 ຕື້ຢວນເພື່ອສະໜັບສະໜູນການພັດທະນາຂອງ“ສາມເສດຖະກິດໃຫຍ່ຢ່າງເຕັມແຮງ.”ໃນນັ້ນ,ໃນດ້ານເສດຖະກິດດ່ານສາກົນ ບໍ່ຫານ,ແຕ່ປີນີ້ຮອດປີ 2025,ແຂວງຢຸນນານຈະຈັດວາງງົບປະມານ 1.8 ຕື້ຢວນໃນແຕ່ລະປີເພື່ອສະໜັບສະໜູນການກໍ່ສ້າງດ່ານສາກົນຊາຍແດນ ບໍ່ຫານ.

ເຂດຮ່ວມມືເສດຖະກິດບໍ່ຫານ-ບໍ່ເຕັນລະຫວ່າງປະເທດຈີນ-ລາວແມ່ນຈຸດພົບປະທີ່ສຳຄັນຂອງການແລກປ່ຽນດ້ານເສດຖະກິດການຄ້າ ແລະ ການຮ່ວມມືດ້ານເສດຖະກິດລະຫວ່າງຈີນກັບບັນດາປະເທດອາຊຽນ.

ແຂວງຢຸນນານໄດ້ປະສານສົມທົບ ແລະ ຈັດຕັ້ງກອງທຶນສູນກາງແລະແຂວງກວ່າ 31.5 ຕື້ຢວນ ເພື່ອແນໃສ່ໜູນຊ່ວຍກະສິກຳສີຂຽວ,ອຸດສາຫະກຳສີຂຽວ,ການເຊື່ອມໂຍງດ້ານວັດທະນະທຳ ແລະ ການທ່ອງທ່ຽວ,ການພັດທະນາຊັບພະຍາກອນແຮ່ທາດ;ຍົກສູງລະດັບອຸດສາຫະກຳ,ຂະໜາດ,ມາດຕະຖານ ແລະ ຍີ່ຫໍ້ຂອງຜັກ,ໝາກໄມ້,ກາເຟ,ໝາກມັນຫໍ້ ແລະ ກະສິກຳທີ່ມີລັກສະນະພິເສດອື່ນໆ.ສຸມໃສ່ອຸດສາຫະກໍາທີ່ສໍາຄັນທີ່ມີຄວາມໄດ້ປຽບດ້ານຊັບພະຍາກອນຂອງແຂວງຢຸນນານເຊັ່ນ：ຊິລິໂຄນອາລູມິນຽມສີຂຽວ,ຫມໍ້ໄຟພະລັງງານໃຫມ່,ວັດສະດຸໃຫມ່ ແລະ ຊີວະແພດ,ສະຫນັບສະຫນູນໂຄງການໃຫຍ່ຈໍານວນຫນຶ່ງ ແລະ ໂຄງການປະກອບເບັນຊຸດທີ່ຍ່ານເໜືອ ແລະ ຍ່ານໃຕ້ຂອງວິສາຫະກິດຂະຫນາດນ້ອຍ ແລະ ຂະຫນາດກາງ.

ແຂວງຢຸນນານຈະສຸມໃສ່ໜູນຊ່ວຍພັດທະນາເຂດລຽບຕາມທາງລົດໄຟຈີນ-ລາວ, ແຕ່ປີ 2022 ຫາປີ 2024, ຈະຈັດໃຫ້ກອງທຶນອຸປະຖຳການຂົນສົ່ງສິນຄ້າສາກົນທາງລົດໄຟຈີນ-ລາວເປັນມູນຄ່າ 500 ລ້ານຢວນ, ສະໜັບສະໜູນການອຸດໜູນດ້ານຂົນສົ່ງສິນຄ້າສາກົນທາງລົດໄຟຈີນ-ລາວ ແລະ ເປີດກວ້າງການພັດທະນາຕົວເມືອງລຽບຕາມເສັ້ນທາງ; ປີນີ້, ໄດ້ຈັດວາງການລົງທຶນດ້ານພື້ນຖານໂຄງລ່າງພາຍໃນງົບປະມານຂອງແຂວງທັງ 219 ລ້ານຢວນ, ເພື່ອສະໜັບສະໜູນການກໍ່ສ້າງໂຄງການອຸດສາຫະກຳຂົນສົ່ງທີ່ສຳຄັນຕາມເສັ້ນທາງລົດໄຟຈີນ-ລາວ. 

ແຂວງຢຸນນານຈະເພີ່ມທະວີການລົງທຶນ ແລະ ປະຕິບັດນະໂຍບາຍການສໍາປະທານລະບົບ.ປີນີ້ແຂວງຢຸນນານຍັງໄດ້ອອກພັນທະບັດພິເສດ11.238ລ້ານຢວນເພື່ອສະໜັບສະໜູນການກໍ່ສ້າງເຂດພະທະນາອຸດສາຫະກຳ.