（ສະບາຍດີ ນັກຂ່າວສະໜຸກ）ວັນບໍ່ດົນມານີ້,ຢູ່ໃນຫໍປະສົບການຮູບປັ້ນແປ້ງທີ່ຕັ້ງຢູ່ເມືອງບູຮານກວນຕູ້ເຂດກວນຕູ້ນະຄອນຄຸນໝິງ,ນາຍຊ່າງມໍລະດົກວັດທະນະທຳທີ່ບໍ່ມີຕົວຕົນໄດ້ປະກົດຄືນເທວະດາ,ສັດສັກສິດບູຮານແລະນິທານຕ່າງໆໃນເທບນິຍາຍ“ຊານໄຫຈິ້ງ” ດ້ວຍຮູບປັ້ນແປ້ງ.

ວັນນັ້ນ,ງານວາງສະແດງຮູບປັ້ນແປ້ງຢູ່ຫໍປະສົບການຮູບປັ້ນແປ້ງຝ່າຍແຂວງຢຸນນານເປີດເປັນທາງການ,ເມື່ອປະຕູເປີດມີພົນລະເມືອງຈໍານວນຫຼາຍເຂົ້າມາຊົມເບິ່ງ,ຍັງມີພໍ່ແມ່ພາລູກມາສຳຜັດກັບທັກສະການເຮັດຮູບປັ້ນແປ້ງ.ນິທານເທວະດາໂຮຍຢີຍິງຕາເວັນ,ນິທານເທວະດານູວາສ້ອມແປງທ້ອງຟ້າ,ນິທານເທວະດາສາງເອີບິນໄປຍັງດວງຈັນ,ນົກຮ້ອຍໂຕໄຫວ້ຟີນິກແລະນົກຈັກກະພາກ,ໝາຈີ້ງຈອກເກົ້າຫາງ,ກິເລນ,ມັງກອນແລະອື່ນໆ,ເຊິ່ງເປັນນິທານແລະສັດສັກສິດບູຮານຕ່າງໆທີ່ຂຽນໃນປຶ້ມກາຍເປັນສິ່ງມີຊີວິດ.ພົນລະເມືອງທີ່ມາຢ້ຽມຢາມທັງຊົມເບິ່ງແລະທັງຖ່າຍຮູບເຊັກອິນ.

ນາງ ລິວລິ້ຊຸນ,ຜູ້ສືບທອດຂອງຮູບປັ້ນແປ້ງວ່າ,“ວິຈິດຕະກໍາທັງໝົດໃນງານວາງສະແດງຮູບປັ້ນແປ້ງໂດຍຫົວຂໍ້"ເທບນິຍາຍຊານໄຫຈິ້ງ”,ລ້ວນແມ່ນອີງໃສ່ນິທານແລະອົງປະກອບໃນເທບນິຍາຍ"ຊານໄຫຈິ້ງ",ນຳໃຊ້ທັກສະຂອງຮູບປັ້ນແປ້ງເພື່ອຟື້ນຟູໃຫ້ເຫັນໂລກມະຫັດສະຈັນໃນປຶ້ມ,ພວກເຮົາໄດ້ໃຊ້ເວລາຫຼາຍມາຄົ້ນຄວ້າຄໍາອະທິບາຍໃນປຶ້ມ,ໄດ້ສ້າງວິຈິດຕະກໍາເກືອບ70ອັນ.ບັນດານິທານແລະສັດທີ່ແປກປະຫຼາດໃນເທບນິຍາຍ"ຊານໄຮຈິ້ງ"ໄດ້ຮັບຄວາມນິຍົມຈາກປະຊາຊົນ,ພວກເຮົາພະຍາຍາມເລົ່າເລື່ອງຈີນໄດ້ດີໂດຍໃຊ້ທັກສະຮູບປັ້ນແປ້ງ,ເຊິ່ງບໍ່ພຽງແຕ່ສືບທອດວັດທະນະທຳພື້ນເມືອງທີ່ດີເລີດເທົ່ານັ້ນ,ຍັງໃຫ້ມໍລະດົກວັດທະນະທຳທີ່ມີຕົວຕົນໄດ້ໃກ້ຊິດກັບມະຫາຊົນ ແລະ ຊີວິດປະຈໍາວັນ. "

ຕໍ່ໄປ,ພວກເຂົາຍັງຈະສືບຕໍ່ຄົ້ນຄວ້າແລະສ້າງວິຈິດຕະກໍາຕາມຫົວຂໍ້ນີ້,ພອ້ມກັນນັ້ນ,ໃຫ້ປະຊາຊົນຫຼາຍຂຶ້ນຮູ້ຈັກແລະມັກຮູບປັ້ນແປ້ງທີ່ເປັນມໍລະດົກວັດທະນະທໍາທີ່ບໍ່ມີຕົວຕົນໂດຍຜ່ານກິດຈະກໍາການຄົ້ນຄວ້າຮໍ່າຮຽນຕ່າງໆ,ເຊັ່ນ:ກິດຈະກໍາທັກສະທາງດ້ານມໍລະດົກວັດທະນະທໍາທີ່ບໍ່ມີຕົວຕົນເຂົ້າໄປໃນວິທະຍາໄລແລະເຂດເຮືອນພັກ.

ນາງ ລິວລິ້ຊຸນ ເປັນຜູ້ສືບທອດຂອງຮູບປັ້ນແປ້ງທີ່ເປັນມໍລະດົກວັດທະນະທໍາທີ່ບໍ່ມີຕົວຕົນຢູ່ເຂດກວນຕູ້,ໃນປີ2020,ສ້າງຕັ້ງຂຶ້ນຫໍປະສົບການຮູບປັ້ນແປ້ງຝ່າຍແຂວງຢຸນນານ,ເພີ່ນໄດ້ຄົ້ນຄວ້າທັກສະຮູບປັ້ນແປ້ງເປັນເວລາເກືອບ20ປີ,ໄດ້ສ້າງຮູບປັ້ນແປ້ງທີ່ມີຊີວິດຊີວາຢ່າງຫຼາຍ,ຮູບປັ້ນແປ້ງໄດ້ຮັບລາງວັນລະດັບຊາດແລະແຂວງຈໍານວນຫຼາຍ.