ດອກໄມ້ດາໂນລາ ແລະ ຕຶກອາຄານບູຮານຖືກລວມເຂົ້າກັນເປັນຮູບພາບລະດູໃບໄມ້ປົ່ງທີ່ສວຍສົດງົດງາມ_ວັດທະນະທຳ-ທ່ອງທ່ຽວ

ດອກໄມ້ດາໂນລາ ແລະ ຕຶກອາຄານບູຮານຖືກລວມເຂົ້າກັນເປັນຮູບພາບລະດູໃບໄມ້ປົ່ງທີ່ສວຍສົດງົດງາມ

ມາຈາກ:ສະບາຍດີ

(ສະບາຍດີ ນັກຂ່າວສຸດໃຈ) ຖ້າທ່ານບໍ່ຢາກໄປແຫຼ່ງທ່ອງທ່ຽວທີ່ມີຊື່ສຽງແລະມີຄົນຫຼາຍໆ, ແຕ່ປາດຖະຫນາບ່ອນທີ່ງຽບສະຫງົບແລະຊີວິດການເປັນຢູ່ທີ່ສົມໃຈ. ຢູ່ນະຄອນຄຸນມິງ, ທ່ານຢາກໄດ້ຊີວິດການເປັນຢູ່ຄືແບບນີ້ບໍ່ຍາກປານໃດ!

ບ້ານກູຢູໂອ້ລົງຕັ້ງຢຸ່ພາກຝັ່ງຕາເວັນອອກຂອງໜອງແສ ນະຄອນຄຸນມິງ ເຊິ່ງເປັນບ້ານທີ່ມີປະຫວັດສາດຫຼາຍກວ່າ 600 ປີ ໃນເຂດເຊິງກ້ອງ, ໃນສະໄໝບູຮານຊາວບ້ານຢູ່ທີ່ນີ້ທຳມາຫາກິນດ້ວຍການຫາປາ. ໃນຕອນກາງຄືນ, ເຮືອປະມົງກັບຝັ່ງທະເລສາບ, ແລະໂຄມໄຟຂອງເຮືອຫາປາຄືດວງດາວໄດ້ສະຫວ່າງໜ້ານ້ໍາຂອງໜອງແສ, ໂຄມໄຟຂອງເຮືອຫາປາຍິບຍັບກັບດວງດາວ ເຊິ່ງເປັນໜຶ່ງໃນພາບງົດງາມແປດຮູບຂອງເຂດເຊິງກ້ອງ.

ຂັບລົດຈາກເຂດໃຈກາງເມືອງຕາມທິດທາງທີ່ໄປເຂດເຊິງກ້ອງໃນເວລາປະມານເຄິ່ງຊົ່ວໂມງ, ໄປຮອດທາງແຍກຂອງຖະໜົນຕູ່ລິນແລະຖະໜົນອ້ອມໜອງແລ້ວເຂົ້າໄປໃນຖະໜົນປ່າໄມ້ທາງໜຶ່ງ, ຜ່ານຖະໜົນປ່າໄມ້ຮ້ອຍແມັດກໍ່ສາມາດເຫັນບ້ານກູຢູໂອ້ລົງໄດ້ແລ້ວ. ລະດູໃບໄມ້ປົ່ງມາຮອດຕາມເວລາທີນັດໝາຍ. ໃນປະຈຸບັນ, ດອກໄມ້ດາໂນລາທີ່ມີເນື້ອທີ່ 66,000 ຕາແມັດໃນບ້ານກູຢູກຳລັງແຕກດອກ.

ພາຍໃຕ້ແສງແດດ, ລົມພັດຜ່ານໄປ, ທົ່ງນາດອກໄມ້ດາໂນລາໄດ້ປາກົດເຫັນຟອງສີຄຳອັນຊັ້ນໜຶ່ງອີກຊັ້ນໜຶ່ງ. ມັນບໍ່ມີບັນຫາຖ້າທ່ານຢາກຊົມເບິ່ງດອກໄມ້ໃນໄລຍະໃກ້ໆ, ເສັ້ນທາງໃນທົ່ງດອກໄມ້ແມ່ນເຊື່ອມຕໍ່ກັນ, ເຮັດໃຫ້ເຈົ້າສາມາດເຂົ້າໄປໃນພຸ່ມດອກໄມ້ເພື່ອສຳຜັດວ່າດອກໄມ້ດາໂນລາທີ່ຊຳໃບໜ້າຂອງເຈົ້າ ແລະ ດົມກິ່ນຫອມອັນອົບອຸ່ນຂອງຊົນນະບົດ.

ດອກໄມ້ດາໂນລາ ແລະ ຕຶກອາຄານບູຮານຖືກລວມເຂົ້າກັນເປັນຮູບພາບລະດູໃບໄມ້ປົ່ງທີ່ສວຍສົດງົດງາມ.

ເມື່ອມາບ້ານກູຢູ, ນອກຈາກຊົມເບິ່ງດອກໄມ້ແລ້ວ, ຍັງມີສິ່ງທີ່ໜ້າສົນໃຈຫຼາຍບໍ່ຄວນພາດ~

ຊົມເບິ່ງເຮືອນພື້ນເມືອງຂອງຄຸນມິງ

ຢູ່ທີ່ນີ້ມີພູເຂົາ ແລະ ແມ່ນ້ຳທີ່ສວຍງາມ, ແລະມີຕຶກອາຄານບູຮານຫຼາຍ, ເພາະວ່າຢູ່ຕິດກັບໜອງແສ ແລະ ພູເຈັດດາວ, ໄດ້ກາຍເປັນສະຖານທີສືບທອດວັດທະນະທຳມູນເຊື້ອ ແລະ ຊົງຈໍາວັດທະນະທໍາຂອງນະຄອນຄຸນມິງ.

ບ້ານອູ່ລົງທີ່ຫ່າງໄກຕົວເມືອງອັນຈະເລີນຮຸ່ງເຮືອງ, ມັນຍັງຄົງຮັກສາປະຫວັດສາດດ້ານວັດທະນະທຳທີ່ຫາຍາກ, ຕຶກອາຄານແບບພື້ນເມືອງໄດ້ກວມ 45% ຂອງຈຳນວນຕຶກອາຄານໃນໝູ່ບ້ານ.

ຢູ່ທີ່ນີ້, ຕຶກອາຄານ "ກາຈ້ຳຫຼຽນໜຶ່ງ" ແບບດັ້ງເດີມຂອງຄຸນມິງທີມີຈຳນວນຫຼາຍປະກົດຕົວເປັນຮູບແບບແຖວ.

ນອກຈາກນີ້, ຍັງມີອາຄານຫຼາຍກວ່າ 270 ຫລັງເຊິ່ງເປັນຕຶກອາຄານ "ເຮືອນສາມຫຼັງອ້ອມເຄິ່ງຄືຮູບແບບ‘凹’" ແລະ ອາຄານບູຮານຂອງລາຊະວົງຊິງແລະໝິງ, ໃນນັ້ນມີອາຄານ 10 ຫຼັງເປັນອາຄານບູຮານທີໄດ້ຮັບການປົກປັກຮັກສາ. ສະນັ້ນ, ບ້ານນີ້ຖືກຜູ້ມັກຖ່າຍຮູບເອີ້ນວ່າ "ຫໍພິພິທະພັນຂອງເຮືອນຊາວບ້ານຂອງຄຸນມິງ".

ປະສົບບັນຍາກາດຂອງບ້ານທີ່ສິລະປະ+ວັດທະນະທໍາ

ຢູ່ໝູ່ບ້ານກູຢູ, ມີທົ່ງຫຍ້າແຫ່ງໜຶ່ງ, ຢູ່ທີ່ນີ້, ທ່ານສາມາດເລີ່ມຈັດງານລ້ຽງກາງແຈ້ງຢູ່ທົ່ງຫຍ້າແຫ່ງນີ້ດ້ວຍເອົາຜ້າກິນເຂົ້າປ່ານຳກັນ. ໃນຕອນບ່າຍທີພັກຜ່ອນຢອນໃຈ, ຖິ້ມກະເປົ໋າຊາຍ, ຢອກຝູງນົກນາງນວນປາກແດງທີ່ໜ້າຮັກ, ເບິ່ງຕາເວັນຕົກສີແສດຢູ່ຝັ່ງໜອງແສ, ສຳຜັດກັບບ້ານບູຮານທີມີອາຍຸ 600 ປີ...

ອາຫານແຊບໆທຸກປະເພດລໍຖ້າທ່ານມາຊີມເບິ່ງ

ຖ້າທ່ານຫຼິ້ນອິດເມື່ອຍແລ້ວ, ມີຮ້ານຊາ, ບານ້ໍາ ແລະຮ້ານອາຫານຢູ່ໃນບ້ານ, ຊອກແຫ່ງໜຶ່ງທີ່ມີວິວແລະສາຍຕາກວ້າງຂວາງ, ສຳພັດຄວາມຮູ້ສຶກອັນອີ່ມອົກອີ່ມໃຈທີ່ນຳຈາກລົມພັດຜ່ານໄປ.

ທ່ານຍັງສາມາດດື່ມຊາຕອນບ່າຍຢູ່ໃນບ້ານ, ເຊັ່ນຮ້ານຂາຍປື້ມສ່ວນຈາວ ເຊິ່ງເປັນຮ້ານຂາຍປື້ມຂອງຊົນນະບົດ. ໃນການປະສົມປະສານຂອງວັດຖຸບູຮານ ແລະ ທັນສະໄຫມ, ໃໝ່ ແລະ ເກົ່າ, ກິນຊາພູເອີໜຶ່ງຈອກ, ກາເຟໜຶ່ງຈອກ, ອ່ານປຶ້ມຕາມໃຈມັກ, ໃຫ້ກິ່ນຫອມພູເອີ, ກິ່ນຫອມກາເຟ ແລະ ກິ່ນຫອມຂອງປຶ້ມລວມເຂົ້າກັນເຊິ່ງສ້າງບັນຍາກາດທີ່ບໍ່ສາມາດອະທິບາຍດ້ວຍພາສາໄດ້, ອ່ານປື້ມອັນລະອຽດ, ເໝືອນດັ່ງເວລາກໍ່ຜ່ານໄປຢ່າງຊ້າໆແລ້ວ.