ຫອມຈົນຫຼົງ! ຄວາມສົດຊື່ນເທິງປາຍລີ້ນ ຫນ້າຮ້ອນນີ້ ມາທ່ຽວແລະກິນທີ່ຄຸນມິງ._ເບິ່ງຄຸນມິງ

ຫອມຈົນຫຼົງ! ຄວາມສົດຊື່ນເທິງປາຍລີ້ນ ຫນ້າຮ້ອນນີ້ ມາທ່ຽວແລະກິນທີ່ຄຸນມິງ.

ມາຈາກ:ສະບາຍດີ

ໃນຊ່ວງລະດູຮ້ອນ,ເມື່ອບ່ອນອື່ນຖືກປົກຄຸມດ້ວຍອຸນຫະພູມສູງ,ແຕ່ຄຸນມິງໄດ້ກາຍເປັນສະຖານທີ່ພັກຮ້ອນດ້ວຍອຸນຫະພູມ 21 °C ທີ່ເໝາະສົມ.ເມືອງບູຮານ ກວາງຕຸ້ງ ແມ່ນໄຂ່ມຸກທີ່ສວຍງາມຢູ່ເມືອງຄຸນມິງທີ່ເຢັນສະບາຍ,ມັນບໍ່ພຽງແຕ່ມີມໍລະດົກທາງປະຫວັດສາດ ແລະ ວັດທະນະທໍາອັນເລິກເຊິ່ງ,ແຕ່ຍັງເປັນສະຫວັນຂອງອາຫານຫຼາກຫຼາຍ,ເປັນທາງເລືອກທີ່ດີເລີດສຳລັບການທ່ອງທ່ຽວແລະລົດຊາດອາຫານໃນລະດູຮ້ອນ.

ແຫຼ່ງຮູບພາບ:ບັນຊີວີແຊັດ"ກູຢິນກວາງຕຸ້ງ"

ເພີດເພີນກັບຄວາມເຢັນຂອງການພັກຮ້ອນ

ໄປເມືອງບູຮານຊີມອາຫານ

ເມືອງບູຮານ ກວາງຕຸ້ງ ນະຄອນຄຸນມິງ

ຖະໜົນຍ່າງທີ່ຄຶກຄື້ນທີ່ສຸດ ຖະໜົນຈິ່ວຈ່ວນຮົວຈາຍ

ເປັນສະຖານທີ່ທີ່"ຕ້ອງໄປຢ້ຽມຊົມ"ສຳລັບນັກທ່ອງທ່ຽວທີ່ຕ້ອງການລົດຊາດອາຫານພິເສດ

ບ່ອນນີ້ລວບລວມອາຫານຫວ່າງທີ່ມີຊື່ສຽງຂອງ ກວາງຕຸ້ງ ທີ່ມີລົດຊາດເປັນເອກະລັກ

ມີອາຫານທີ່ເອີ້ນວ່າ"ສາມສົມບັດກວາງຕຸ້ງ"

ຄື ເຂົ້າປຸ້ນ,ເຮີກ້ວຍ,ແລະ ເຂົ້າໜົມກວາງຕຸ້ງ

ຍັງມີອາຫານປິ້ງຢ້າງ ທອດມັນຝຣັ່ງ,ວຸ້ນບິງເຟິນ,ປີ້ງເຕົ້າຮູ້ ແລະອື່ນໆ

ອາຫານຫວ່າງພິເສດຂອງຢຸນນານ

ແຫຼ່ງຮູບພາບ: ບັນຊີວີແຊັດ"ຄຸນມິງກວາງຕຸ້ງຟາບູ"

ເມື່ອເຈົ້າກ້າວເຂົ້າໄປໃນເມືອງບູຮານ ກວາງຕຸ້ງ,ເວລາເບິ່ງຄືວ່າຈະຊ້າລົງໃນບັນດາ ຊາຍຄາ.ສະຖານທີ່ນີ້ບໍ່ພຽງແຕ່ມີວັດຖຸບູຮານທາງປະຫວັດສາດເທົ່ານັ້ນ,ຫາກຍັງມີອາຫານພື້ນເມືອງທີ່ມີຊີວິດຊີວາທີ່ຫຼາກຫຼາຍ,ກາຍເປັນບ້ານເກີດຂອງລົດຊາດຂອງຄົນຄຸນມິງ.

ແຫຼ່ງຮູບພາບ:ສະຖານທີ່ທ່ອງທ່ຽວກວາງຕຸ້ງ ແລະ ວັດທະນະທຳການທ່ອງທ່ຽວຄຸນມິງ

ໃນຖານະທີ່ເປັນອາຫານຂື້ນຊື່ຂອງເມືອງໂບຮານ,ເຂົ້າໜົມກວາງຕຸ້ງມີປະຫວັດສາດຍ້ອນໄປໄດ້ເຖິງລາຊະວົງມິງແລະລາຊະວົງຊິງ,ມັນໄດ້ຮັບການດັດແປງເບື້ອງຕົ້ນມາຈາກເຂົ້າໜົມ ຮູບີ້ ນໍາເຂົ້າມາໂດຍຜູ້ອົບພະຍົກເຂົ້າເມືອງຈາກພາກເຫນືອ.ໃນບົດຂຽນຂອງທ່ານ ເຖົ້າຈິ້ນ ໃນລາຊະວົງມິງ ມີການບັນທຶກທີ່ກ່ຽວຂ້ອງກັບຂະຫນົມຊະນິດນີ້ໄວ້ແລ້ວ,ໃນເວລານັ້ນເອີ້ນວ່າ"ເຂົ້າໜົມຫູ໋ໝາ",ຜະລິດຈາກແຜ່ນແປ້ງທີ່ບໍ່ໄດ້ໝັກ.ເຂດກວາງຕຸ້ງຂອງຄຸນມິງເຊິ່ງເປັນທ່າເຮືອທັ້ງທາງນ້ຳແລະທາງບົກໃນເສັ້ນທາງສາຍໄໝທາງພາກໃຕ້,ມີລະບົບຄົມມະນາຄົມທີ່ສະດວກ ສົ່ງຜົນໃຫ້ການແຜ່ຂະຫຍາຍແລະການພັດທະນາອາຫານຫວ່າງຂອງທ້ອງຖິ່ນວ່ອງໄວຂື້ນ, ດ້ວຍເຫດນີ້"ເຂົ້າໜົມກວາງຕຸ້ງ"ຈຶ່ງໄດ້ຮັບການສືບທອດ ແລະ ເຮັດໃຫ້ມີຊື່ສຽງມາຈົນເຖິງທຸກມື້ນີ້

ແຫຼ່ງຮູບພາບ: ບັນຊີວີແຊັດ"ຮົດຊາດດີຄຸນມິງ"

ເຂົ້າໜົມກວາງຕຸ້ງຫຼັງຈາກອົບແລ້ວມີລັກສະນະເປັນແຜ່ນຂະໜົມສີຂາວຮູບວົງກົມ,ສົ່ງກິ່ນຫອມຂອງແປ້ງເຂົ້າໂພດອ່ອນໆ.ແຜ່ນແປ້ງຂະໜົມມີຄວາມໜຽວໜຶບ,ສ່ວນໄສ້ມີຫຼາຍຊະນິດໃຫ້ເລືອກເຊັ່ນ:ດອກກຸຫຼາບ,ຖົ່ວແດງ,ງາ,ຖົ່ວດິນ,ໝາກມັນຫໍ້,ແລະອື່ນໆ, ມີລົດຊາດຫວານຫອມແຕ່ບໍ່ຫວານເກີນ.

ແຫຼ່ງຮູບພາບ: ບັນຊີວີແຊັດ"ຮົດຊາດດີຄຸນມິງ"

ປີ 2009,ເຂົ້າໜົມກວາງຕຸ້ງ ໄດ້ຖືກຈັດເຂົ້າໃນບັນຊີລາຍຊື່ມໍລະດົກທາງວັດທະນະທຳທີ່ຈັບຕ້ອງບໍ່ໄດ້ຊຸດທີສອງຂອງຄຸນມິງ.

ແຫຼ່ງຮູບພາບ: ບັນຊີວີແຊັດ"ຢານຮວໍມີຊິ"

ທີ່ເມືອງບູຮານ ກວາງຕຸ້ງ,ເຂົ້າປຸ້ນ ເສົ້າກໍ ເປັນສິ່ງທີ່ບໍ່ຄວນພາດ.ເຂົ້າປຸ້ນ ເສົ້າກໍໃນໝໍ້ທອງແດງນ້ອຍສາມາດຮັກສາກິ່ນຫອມຂອງຊີ້ນສົດໄດ້ຢ່າງສູງສຸດ,ນ້ຳຊຸບປະກອບດ້ວຍຊີ້ນບົດ,ຍອດຖົ່ວແຂກ,ຜັກດອງ,ນ້ຳມັນພິກແລະສ່ວນປະກອບອື່ນໆ,ລົດຊາດສົ້ມ,ຫວານ,ແລະເຜັດປະສົມກັນຢ່າງລົງຕົວ,ພໍດີ,ທຸກຄຳທີ່ກິນເຮັດໃຫ້ຫຼົງໄຫຼບໍ່ລືມ.

ແຫຼ່ງຮູບພາບ:ບັນຊີວີແຊັດ"ສະຫະພັນນັກກິນຂອງຄຸນມິງ"

ນອກຈາກນີ້,ເຂົ້າປຸ້ນຖົ່ວແຂກກໍເປັນອາຫານຫວ່າງທີ່ໄດ້ຮັບຄວາມນິຍົມຫຼາຍທີ່ສຸດໃນລະດູຮ້ອນຂອງເມືອງບູຮານ ກວາງຕຸ້ງ,ຜະລິດຈາກຖົ່ວແຂກເປັນວັດຖຸດິບ,ມີສີສັນໂປ່ງໃສ,ສະແດງສີທອງທີ່ດຶງດູດໃຈ,ແລະເຕັມໄປດ້ວຍກິ່ນຫອມຖົ່ວທີ່ຫອມຊື່ນ.

ແຫຼ່ງຮູບພາບ:ບັນຊີວີແຊັດ"ສະຫະພັນນັກກິນຂອງຄຸນມິງ"

ໃນເວລາຮັບປະທານ, ນິຍົມກິນຄູ່ກັບນ້ຳມັນພິກ,ນ້ຳມັນໝາກແຂ່ນ,ນ້ຳຜັກທຽມ,ຜັກຫອມປ້ອມ, ແລະເຄື່ອງປຸງອື່ນໆ,ມີລົດຊາດລື່ນລະມຸນ,ລົດຊາດເຜັດແລະສົ້ມຊ່ວຍກະຕຸ້ນຄວາມຢາກອາຫານ,ເປັນທາງເລືອກທີ່ດີເລີດໃນການຄາຍຮ້ອນແລະຕັດລ້ຽນ.

ແຫຼ່ງຮູບພາບ:ບັນຊີວີແຊັດ"ສະຫະພັນນັກກິນຂອງຄຸນມິງ"

ລະດູຮ້ອນເປັນລະດູທີ່ເຫັດປ່າຢຸນນານອອກສູ່ຕະຫຼາດ,ທີ່ເມືອງບູຮານກວາງຕຸ້ງເອງກໍ່ສາມາດລີ້ມລອງລົດຊາດຈຸ່ມເຫັດປ່າທີ່ສົດແຊບໄດ້. ເຫັດຕາມລະດູການເມື່ອນຳມາຕົ້ມກັບນ້ຳຊຸບທີ່ມີຊີ້ນໄກ່,ຈະໄດ້ນ້ຳຊຸບສີເຫຼືອງທອງຂຸ້ນ,ມີລົດຊາດສົດແຊບຢ່າງບໍ່ມີທີ່ຕິ.

ຊ່ວງເວລາຫນ້າຮ້ອນນີ້

ມາທ່ຽວເມືອງບູຮານ ກວາງຕຸ້ງກັນເຖາະ!

ຍ່າງຊົມສະຖາບັດຕະກຳເກົ່າແກ່

ລິ້ມລົດອາຫານພື້ນເມືອງແທ້ໆຂອງຄຸນມິງ

ແລະສຳຜັດສະເຫນ່ຂອງສະຖານທີ່ທ່ອງທ່ຽວລະດັບ 4A ທີ່ຫຼາກຫຼາຍມິຕິ!

在炎炎夏日，当别处都被高温笼罩时，昆明却以宜人的21℃气温成为避暑胜地。而官渡古镇则是这座凉爽之城的一颗璀璨明珠，这里不仅有着深厚的历史文化底蕴，更是美食云集的天堂，是暑期逛吃宝藏线的绝佳之选。