ເວທີປາໄສການຮ່ວມມືຈີນ-ອາຟຣິກາ｜ໂຮງຮຽນປະຖົມໃນແຂວງຢຸນນານແຫ່ງນີ້ໄດ້ເປັນສັກຂີພິຍານມິດຕະພາບລະຫວ່າງສອງປະເທດ ຈີນ ກັບ ອີເຄວເຕຣຍກີເນ_ຂ່າວສຳຄັນ

ເວທີປາໄສການຮ່ວມມືຈີນ-ອາຟຣິກາ｜ໂຮງຮຽນປະຖົມໃນແຂວງຢຸນນານແຫ່ງນີ້ໄດ້ເປັນສັກຂີພິຍານມິດຕະພາບລະຫວ່າງສອງປະເທດ ຈີນ ກັບ ອີເຄວເຕຣຍກີເນ

ມາຈາກ:ຊິນຮວາ

ວັນທີ 2 ກັນຍານີ້, ຢູ່ໂຮງຮຽນປະຖົມມິດຕະພາບຈີນ-ອີເຄວໂຕຣຽນກີນີ, ນັກຮຽນໄດ້ຊົມເຊີຍພາຍຫຼັງໄດ້ຊົມວິດີໂອການເປີດຮຽນທີ່ບັນທຶກໂດຍນັກສຶກສາຂອງສະຖາບັນຂົງຈື້ຢູ່ມະຫາວິທະຍາໄລແຫ່ງຊາດອີເຄວໂຕຣຽນກີນີ. ພາບໂດຍ ນັກຂ່າວຊິນຮວາ: ຫູຈ່າວ

ວັນທີ 2 ກັນຍານີ້, ໂຮງຮຽນປະຖົມມິດຕະພາບຈີນ-ອີເຄວເຕຣຍກີເນ ທີ່ຕັ້ງຢູ່ເມືອງປົກຄອງຕົນເອງເຜົ່າຢາວ,ເມົາ,ໄຕລື້ ຈີ່ງຜິງ, ກິ່ງແຂວງຫົງເຮີ,ແຂວງຢຸນນານໄດ້ໄຂສົກຮຽນໃໝ່.ດ້ວຍຫົວຂໍ້ມິດຕະພາບອັນເປັນນິດລະຫວ່າງສອງປະເທດ ຈີນ ກັບ ອີເຄວເຕຣຍກີເນ, ໄດ້ດຳເນີນລາຍການຮ້ອງເພງ ແລະ ຟ້ອນລຳຕ່າງໆ ແລະ ວິຊາພິເສດ, ເຮັດໃຫ້ນັກຮຽນໄດ້ຮຽນມື້ທຳອິດຢ່າງມີບັນຍາກາດຟົດຟື້ນ.

ນີ້ແມ່ນໂຮງຮຽນປະຖົມມິດຕະພາບຈີນ-ອີເຄວເຕຣຍກີເນທີ່ຕັ້ງຢູ່ເມືອງຈີ່ນປິງ ແຂວງຢຸນນານ (ພາບຈາກໂດຣນຖ່າຍໃນວັນທີ 2 ກັນຍາ). ພາບໂດຍ ນັກຂ່າວຊິນຮວາ: ຫູຈ່າວ

ໃນເດືອນເມສາປີ 2015, ປະເທດອີເຄວເຕຣຍກີເນໄດ້ປະກາດການບໍລິຈາກເພື່ອການສ້ອມແປງ ແລະ ຂະຫຍາຍໂຮງຮຽນປະຖົມເລກ 1 ຢູ່ເມືອງຈີ່ງຜິງ ແຂວງຢຸນນານ. ເພື່ອສະແດງຄວາມຂອບອົກຂອບໃຈຕໍ່ສາຍພົວພັນມິດຕະພາບອັນເລິກເຊິ່ງລະຫວ່າງສອງປະເທດ, ໂຮງຮຽນປະຖົມແຫ່ງນີ້ຍັງໄດ້ຕັ້ງຊື່ໃໝ່ວ່າ: ໂຮງຮຽນປະຖົມມິດຕະພາບຈີນ-ອີເຄວເຕຣຍກີເນ. ໃນ 9 ປີທີ່ຜ່ານມາ, ຫຼາຍກວ່າ 2,000 ເດັກນ້ອຍຮຽນຈົບຈາກທີ່ນີ້.

ໃນວັນທີ 2 ກັນຍານີ້, ໃນພິທີເປີດໂຮງຮຽນປະຖົມມິດຕະພາບຈີນ-ອີເຄວເຕຣຍກີເນ, ຜູ້ຕາງໜ້ານັກຮຽນໄດ້ສະແດງຄວາມຄິດເຫັນກ່ຽວກັບຫົວຂໍ້ມິດຕະພາບຂອງຈີນ-ອີເຄວເຕຣຍກີເນ. ຮູບໂດຍນັກຂ່າວສຳນັກຂ່າວຊິນຮວາ ທ່ານຫູຈ່າວ