（ສະບາຍດີ ນັກຂ່າວສະໜຸກ）ເດືອນເມສາ,ນະຄອນຄຸນໝິງມີສະໜາມຫຼິ້ນຫຼາຍແຫ່ງ, ຖ້າທ່ານມາຫຼິ້ນນ້ໍາ, ຊົມເບິ່ງດອກໄມ້, ແລະ ຊິມເບິ່ງອາຫານສົດ.

ຍັງມີອີກຫນຶ່ງເດືອນຈະຮອດວັນພັກ "ວັນກໍາມະກອນ".

ທຸກຄົນບໍ່ໄດ້ອົດກັ້ນຄວາມຢາກທີ່ຈະເດີນທາງໄປທ່ອງທ່ຽວ.

ວັນພັກ "ວັນກໍາມະກອນ, ຄຸນໝິງກາຍເປັນສະຖານທີ່ທ່ອງທ່ຽວທີ່ນິຍົມອີກເທື່ອຫນຶ່ງ.

ແລ້ວຄຸນໝິງມີສະໜາມຫຼິ້ນໃດແດ່ໃນເດືອນເມສາ?

ພວກເຮົາມາເບິ່ງກ່ອນເດີ !

"ນໍ້າ,ນໍ້າ,ນໍ້ານໍ້າໆ".ງານບຸນຫົດນ້ຳອັນໃຫຍ່ຈະມາທີ່ນີ້ແລ້ວ,ທ່ານບໍ່ຕ້ອງໄປເຂດສິບສອງພັນນາກໍ່ໄດ້ເຂົ້າຮ່ວມງານບຸນຫົດນ້ຳແລ້ວ.ວັນທີ12ຫາ16ເມສານີ້,ສວນສາທາລະນະບ້ານຊົນເຜົ່າຢຸນນານຈະຈັດຂຶ້ນບຸນຫົດນໍ້າຄືບຸນປີໃໝ່ຊົນເຜົ່າໄຕ,ຜູ້ສາວແລະຜູ້ບ່າວທີ່ນຸ່ງໃສ່ເຄື່ອງນຸ່ງຊຸດງານບຸນຈະຕີກອງແລະ ເຕັ້ນລໍາ ກາກວາງ. ໃນເວລານັ້ນ,ສະໜາມໃຫຍ່ ທວນເຈຈະ "ປ່ຽນເປັນ" ໂລກນໍ້າ.ບໍ່ພຽງແຕ່ເທົ່ານັ້ນ,ງານບຸນຂອງຊົນເຜົ່າໄຕ,ຊົນເຜົ່າເຕີອາງ,ຊົນເຜົ່າປູລາງ ແລະຊົນເຜົ່າອາຊານຈະນຳທ່ານປະສົບການຄວາມເອກະລັກສະເພາະຂອງຮີດຄອງປະເພນີ,ສຳຜັດກັບຄວາມສະແໜ່ອັນແທ້ຈິງຂອງຊົນເຜົ່າສ່ວນນ້ອຍ,ແລະສໍາຜັດການເດີນທາງວັດທະນະທຳກ່ຽວກັບນ້ຳ.

ນອກຈາກການຫຼິ້ນນໍ້າ,ທ່ານຍັງໄດ້"ຍ່າງເລາະຕະຫລາດທ້ອງຖິ່ນ",ອາຫານເອກະລັກຂອງຊົນເຜົ່າຕ່າງໆໄດ້ມາເຕົ້າໂຮມຢູ່ຖະໜົນອາຫານການກິນ,ເຂົ້າປຽກເຢັນໃສ່ຊີ້ນໄກ່ຂອງຊົນເຜົ່ານ້າຊີ,ປີ້ງໄກ່ແລະປິ້ງດອກສະໝອງໝູຂອງຊົນເຜົ່າມົ້ງ,ແກງແກະຂອງຊົນເຜົ່າຢາວ...ທຸກໆອາຫານລ້ວນແຕ່ປະສົມມີຮີດຄອງປະເພນີແລະວັດທະນະທຳທີ່ເປັນເອກະລັກສະເພາະຂອງຊາວເຜົ່າສ່ວນນ້ອຍ.

ທ່ານຍັງໄດ້ຊົມການສະແດງຂະໜາດໃຫຍ່ "ສຽງຮ້ອງຂອງພູພຽງ" ,ດ້ວຍສຽງເພງພື້ນເມືອງທີ່ມ່ວນຊື່ນແລະການຟ້ອນທີ່ງາມຕາ,ທ່ານໄດ້ຮູ້ສຶກເຖິງສະແໜ່ທີ່ເປັນເອກະລັກສະເພາະຂອງຊົນເຜົ່າສ່ວນນ້ອຍແຂວງຢຸນນານ,ຊົມເຊີຍງານສະແດງທີ່ສະສົມການເຕັ້ນແລະດົນຕີຂອງ15ຊົນເຜົ່າທີ່ເປັນເອກະລັກຂອງແຂວງຢຸນນານ.

ໃນອາກາດເເຈ້ງຊະຫວ່າງ,ອຸນຫະພູມສືບຕໍ່ເພີ່ມຂຶ້ນ,ດອກໂບຕັ໋ນທີ່ປູກຢູ່ສວນສາທາລະນະ ວັດທານຫົວກໍາລັງແຕກດອກ,ເດືອນເມສາຈະເຂົ້າສູ່ໄລຍະການຊົມເບິ່ງທີ່ດີທີ່ສຸດ.ພາຍໃຕ້ແສງແດດ,ດອກໂບຕັ໋ນທີ່ມີສີຕ່າງໆແຂ່ງຂັນເພື່ອສະແດງຄວາມງາມ,ກິ່ນຫອມດອກໄມ້ຫອມຕາມທຸກບ່ອນ,ໄດ້ດຶງດູພົນລະເມືອງ ແລະນັກທ່ອງທ່ຽວຫຼາຍມາຊົມເບິ່ງດອກດອກໂບຕັ໋ນຢູ່ສວນ.

ຍ່າງເຂົ້າໃນສວນສາທາລະນະ,ນັກທ່ອງທ່ຽວບາງຄົນໄດ້ເອົາກະດານແຕ້ມຮູບມາ,ແລະເບິ່ງດອກໂບຕັ໋ນຢ່າງລະອຽດແລ້ວ,ເຂົາເຈົ້າໄດ້ແຕ້ມຄວາມງາມຂອງ ດອກໂບຕັ໋ນດ້ວຍສໍສີແລະຫມຶກ;ນັກທ່ອງທ່ຽວບາງຄົນເອົາໜ້າເຂົ້າໃກ້ດອກໂບຕັ໋ນ,ແລະຖ່າຍຮູບກັບດອກໂບຕັ໋ນ,ເພື່ອບັນທຶກຊ່ວງເວລາທີ່ງາມດີ.ຍັງໄດ້ເບິ່ງນັກຊ່າງຖ່າຍຮູບບາງຄົນເອົາກ້ອງຖ່າຍຮູບໃນມື,ເພື່ອຖ່າຍດອກໂບຕັ໋ນທີ່ສວຍງາມທີ່ສຸດໃນໃຈຂອງເຂົາເຈົ້າ.ພາຍຫຼັງການດູແລແລະຮັກສາຢ່າງລະມັດລະວັງຫຼາຍປີຜ່ານມາ,ດອກໂບຕັ໋ນໃນສວນສາທາລະນະ ວັດທານຫົວມີສີສັນສົດໃສແລະດອກໃຫຍ່,ຊ່ວງເວລານີ້ແມ່ນໄລຍະລະດູແຕກດອກ,ທ່ານໄດ້ມາສວນສາທາລະນະ ວັດທານຫົວແລະຊົມເບິ່ງດອກໂບຕັ໋ນ.

ຕາມຂ່າວຈາກຕາແສງຊີ້ຈູ້ເມືອງຟູມີງວ່າ,ໃນຕາແສງມີໝາກເຊີລີ້4000ມູ້ຈະສຸກແລະເຂົ້າສູ່ຕະຫຼາດໃນກາງເດືອນເມສານີ້.ແຕ່ລະປີຮອດລະດູການນີ້,ງານບຸນເຊີລີ້ຂອງຕາແສງຊີ້ຈູ້ປະຈໍາປີຈະຈັດຂຶ້ນຕາມກໍານົດເວລາ,ແລະດຶງດູແຂກມາຈາກທົ່ວໂລກມາເຕົ້າໂຮມກັນຢູ່ຕາແສງຊີ້ຈູ້, ເພື່ອເພີດເພີນກັບຄວາມງາມທີ່ນໍາໂດຍເຊີລີ້ຂອງຕາແສງຊີ້ຈູ້ .

ຕາແສງຊີ້ຈູ້ເມືອງຟູ້ມີງມີດິນອຸດົມແລະອາກາດດີ, ໝາກເຊີລີ້ທີ່ປູກຢູ່ນີ້ມີໝາກດອກໃຫຍ່,ສີສົດໃສ,ນ້ຳຫວານຫຼາຍແລະລົດຊາດດີ.ມີປະຫວັດສາດການປູກໝາກເຊີລີ້30ປີ,ໃຫ້ຕາແສງຊີ້ຈູ້ກາຍເປັນ“ບ້ານເກີດຂອງເຊີລີ້”ທີ່ແທ້ງຈິງ. ລະດູໃບໄມ້ປົ່ງປີນີ້,ອາກາດອຸ່ນຫຼາຍກວ່າແລະໄລຍະແຕກດອກຈະຍາວກວ່າ,ຜົນຜະລິດຂອງເຊີລີ້ຄາດວ່າຈະຫຼາຍກວ່າປີຜ່ານມາ,ແລະໄລຍະການສຸກກໍ່ຈະຊັກຊ້າຍ້ອນອຸນຫະພູມ.ໃນກາງເດືອນເມສາ,ໝາກເຊີລີ້ຈໍານວນຫລາຍເລີ່ມປາກົດຢູ່ຕະຫຼາດ,ແລະເວລາດີທີ່ສຸດສໍາລັບການເກັບແມ່ນໃນທ້າຍເດືອນເມສາ,ແລະ ເກັບໄດ້ເຖິງກາງເດືອນພຶດສະພາ.

ເກັບໝາກເຊີລີ້ຢູ່ທີ່ນີ້,ບໍ່ພຽງແຕ່ໄດ້ຊີມໝາກເຊີລີ້ທີ່ມີເນື້ອຫຼາຍແກ່ນນ້ອຍແລະນ້ຳຫວານຫຼາຍເທົ່ານັ້ນ,ທ່ານຍັງໄດ້ຊີມອາຫານແຊບໆຢູ່ຮ້ານອາຫານແບບເຮືອນຢູ່ໃກ້ຄຽງເຊັ່ນ:ອາຫານຊາວບ້ານເຮັດເອງ,ຊີ້ນແກະອົບ,ແກງຊີ້ນງົວແລະອາຫານອື່ນໆ,ການເດີນທາງທ່ອງທ່ຽວຕ້ອງເສຍເວລາແບບນີ້ເດີ !

ທິວທັດຂອງຄຸນໝິງໃນລະດູໃບໄມ້ປົ່ງສວຍງາມຄືຮູ້ແຕ້ມ

ມີສີສັນສົດໃສ ແລະ ງາມຕາ

ຖ້ານທ່ານຈະມາຄຸນໝິງ

ບໍ່ຄວນພາດສະໜາມຫຼິ້ນດັ່ງກ່າວ

ສະນັ້ນ, ໃນເດືອນເມສາ

ຢ່າປ່ອຍໃຫ້ເວລາງາມດີນີ້ເສຍໄປ.