ແຂວງຫົວພັນໃນມຸມທີ່ທ່ານບໍ່ເຄີຍເຫັນ_ຊີວິດການເປັນຢູ່ລາວ

ແຂວງຫົວພັນໃນມຸມທີ່ທ່ານບໍ່ເຄີຍເຫັນ

ມາຈາກ:ຈຳປາເມືອງລາວ

ເມືອງທີ່ຫ່າງໄກແຕ່ທຸກຄົນປະທັບໃຈເມື່ອໄດ້ໄປເຍືອນ

ແຂວງຫົວພັນຕັ້ງຢູ່ໃຕັ້ງຢູ່ໃນພາກຕາເວັນອອກສຽງເໜືອຂອງ ສປປ ລາວ ແລະ ເປັນສະຖານທີ່ທີ່ຍັງບໍ່ທັນໄດ້ມີນັກທ່ອງທ່ຽວທ່ານໃດໄດ້ເຫັນ ແລະ ສໍາຜັດສະຖານທີ່ແຫ່ງນີ້ມາກ່ອນ. ແຂວງຫົວພັນແມ່ນເຕັມໄປດ້ວຍວິວທິວທັດທີ່ງົດງາມຂອງພູຜາປ່າໄມ້ໄປຈົນຮອດນໍ້າຕົກຕາດທີ່ສວຍງາມ ແລະ ຖ້ຳທີ່ແສນອັດສະຈັນ. ແຂວງນີ້ຍັງເຕັມໄປດ້ວຍຊົນເຜົ່າທີ່ຫຼາກຫຼາຍ ແລະ ໜ້າສົນໃຈ, ປະເພນີການທໍຜ້າທີ່ງົດງາມ ແລະ ປະຫວັດສາດອັນອຸດົມສົມບູນ. ອີງຕາມແຜນການເປີດສະໜາມບິນແຫ່ງໃໝ່, ແນ່ນອນວ່າ ແຂວງຫົວພັນຈະຕ້ອງມີນັກທ່ອງທ່ຽວເຂົ້າມາທ່ຽວຢ່າງຫຼວງຫຼາຍໃນອະນາຄົດ. ສະນັ້ນ, ຖ້າຫາກທ່ານຢາກສຳພັດຄວາມງົດງາມທາງທຳມະຊາດຂອງແຂວງຫົວຜັນກໍຈະຕ້ອງໄດ້ໄປຢ້ຽມຢາມກ່ອນທີ່ກຸ່ມນັກທ່ອງທ່ຽວຈຳນວນຫຼາຍຈະເຂົ້າມາທ່ຽວ.

ຊຳເໜືອ

ເມືອງຫຼວງຂອງແຂວງຫົວພັນນັ້ນແມ່ນເມືອງຊຳເໜືອ ແລະ ເມືອງນີ້ແມ່ນເມືອງໜຶ່ງທີ່ມີເຄື່ອງຫັດຖະກໍາຂອງຊົນເຜົ່າມົ້ງ, ໄທດຳ, ໄທແດງ, ແລະ ໄທລື້ ຊຶ່ງຈະວາງຂາຍຢູ່ໃນຕະຫຼາດຊົນເຜົ່າ ທີ່ແຄມແມ່ນ້ຳຊຳ ໃນໝູ່ບ້ານທີ່ງຽບສະຫງົບແຫ່ງນີ້ ແມ່ນຕັ້ງຢູ່ໃນເຂດພູດອຍທີ່ງົດງາມທີ່ສຸດຂອງປະເທດລາວ ພ້ອມທັງເປັນສູນກາງເຕົ້າໂຮມຂອງການປະຕິວັດ. ນັກທ່ອງທ່ຽວສ່ວນຫຼາຍມາທ່ອງທ່ຽວທີ່ແຂວງຊຳເໜືອກໍ່ແມ່ນເພື່ອຈະມາທ່ຽວຊົມແຫຼ່ງທ່ອງທ່ຽວທາງປະຫວັດສາດ ແລະ ທຳມະຊາດອັນໂດດເດັ່ນຂອງຊາດລາວເຮົາ.

ເສົາຫຼັກເມືອງ

ຫຼາຍໆສະຖານທີ່ໃນປະເທດລາວແມ່ນກໍ່ມີເສົາຫຼັກເມືອງເຊັ່ນກັນ. ປະຊາຊົນໃນທ້ອງຖິ່ນໄດ້ເຊື່ອກັນວ່າສະຖານທີ່ແຫ່ງນີ້ເປັນບ່ອນພັກເຊົາຂອງວິນຍານທີ່ຄຸ້ມຄອງປົກປັກຮັກສາບ້ານເມືອງໃຫ້ມີສຸຂະພາບແຂງແຮງ ແລະ ລ້ຳລວຍ ຊຶ່ງຈະບູຊາດ້ວຍທູບທຽນ ແລະ ດອກໄມ້ເພື່ອຂໍພອນເລື່ອງສຸຂະພາບ, ຄວາມສໍາເລັດ, ຫຼື ຄວາມຮັ່ງມີ. ໃນເມືອງຊຳເໜືອ, ເສົາຫຼັກເມືອງແມ່ນຈະຕັ້ງຢູ່ສີ່ແຍກທີ່ປະດັບດ້ວຍລວດລາຍພື້ນເມືອງອັນສະດຸດຕາ.

ສວນອຸທິຍານມິດຕະພາບ ຫົວພັນ-ກວາງນິງ

ຊາວເມືອງພາກັນມາເຕົ້າໂຮມກັນທີ່ບໍລິເວນລານກວ້າງໃຈກາງເມືອງຊຳເໜືອແຫ່ງນີ້ ເພື່ອອອກກຳລັງກາຍ ໂດຍສະເພາະຕອນເຊົ້າ ແລະ ຕອນແລງ. ຊຶ່ງຈະມີຫີນຂະໜາດໃຫຍ່ທີ່ສື່ເຖິງຫີນບູຮານທີ່ມີຊື່ສຽງໂດ່ງດັງຊຶ່ງຕັ້ງຢູ່ໃນແຂວງຫົວພັນ.

ວັດສີບຸນເຮືອງ

ທັດສະນີຍະພາບທີ່ສວຍງາມສະດຸດຕາຂອງພູມສັນຖານທີ່ອ້ອມຮອບໄປດ້ວຍທຳມະຊາດແມ່ນໜຶ່ງໃນຈຸດເດັ່ນຂອງວັດນີ້. ວັດສີບຸນເຮືອງຕັ້ງຢູ່ເທິງຈອມພູທີ່ສາມາດແນມເຫັນທິວທັດທີ່ກວ້າງໃຫຍ່ຂອງເມືອງຊຳເໜືອ ແລະ ພູຜາອ້ອມຮອບ. ນັກທ່ອງທ່ຽວຍັງສາມາດໄປໄຫວ້ຮູບປັ້ນພະເຈົ້າອົງຕື້ທີ່ມີຊື່ສຽງໂດ່ງດັງໄດ້ອີກດ້ວຍ.

ນ້ຳຕົກຕາດນ້ຳນົວ

ນໍ້າຕົກຕາດນ້ຳນົວ ເປັນນໍ້າຕົກຕາດແຫ່ງໜຶ່ງທີ່ນ່າທຶ່ງຂອງປະເທດລາວ. ນໍ້າຕົກຕາດນີ້ແມ່ນຈະມີຄວາມສວຍງາມເປັນພິເສດໃນລະດູຝົນ, ຊຶ່ງເປັນນໍ້າຕົກຕາດທີ່ໃຫຍ່ທີ່ສຸດ, ດ້ວຍຄວາມສູງ 80 ແມັດຈາກຂັ້ນທີ່ສອງ. ຊຶ່ງນັ້ນແມ່ນບ່ອນທີ່ເໝາະສຳລັບການກິນເຂົ້າປ່າ ແລະ ລອຍນໍ້ຳຫຼິ້ນໃນຕາດຂັ້ນລຸ່ມ.

ຖໍ້າປະຕິວັດ

ກອງບັນຊາການໃຫຍ່ຂອງຂະບວນການປະຕິວັດລາວແມ່ນໄດ້ຕັ້ງຢູ່ທີ່ແຫ່ງນີ້. ຜູ້ນໍາປະຕິວັດລາວແມ່ນລ້ວນແລ້ວແຕ່ສ້າງທີ່ພັກຢູ່ໃນຖ້ຳທແຂວງຫົວພັນໃນປີ 1964 ພ້ອມດ້ວຍໂຮງໝໍ, ຫ້ອງການ, ໂຮງຮຽນ, ໂຮງພິມ ແລະ ຕະຫຼາດທັງໝົດຢູ່ພາຍໃນຖ້ຳ ຊຶ່ງໄດ້ກາຍເປັນຈຸດໃຈກາງຂອງຂະບວນການຕໍ່ສູ້ປົດປ່ອຍປະເທດລາວ. ທ່ານສາມາດຫາຜູ້ນຳທ່ຽວຈາກສູນນັກທ່ອງທ່ຽວເພື່ອສຶກສາໃຫ້ເຂົ້າໃຈປະຫວັດສາດຢ່າງແທ້ຈິງຂອງພື້ນທີ່ນີ້.

ຫີນຕັ້ງ

ຫີນຕັ້ງອັນລຶກລັບແຫ່ງນີ້ແມ່ນໄດ້ຖືກສ້າງຂຶ້ນໂດຍອາລິຍະທໍາທີ່ຍັງບໍ່ມີໃຜຮູ້ທີ່ມາ ຄາດວ່າ້າຈະແມ່ນບັນພະບຸລຸດຜູ້ສ້າງທົ່ງໄຫຫີນໄດ້ສ້າງຕັ້ງຂຶ້ນ ແຕ່ບໍ່ສາມາດລະບຸໄດ້ວ່າເມື່ອໃດທີ່ອາລິຍະທໍານີ້ໄດ້ຫາຍໄປ – ແຕ່ຄາດວ່າ້າຈະແມ່ນເມື່ອພັນປີກ່ອນ . ຫີນຕັ້ງຖືກຄາດວ່າເປັນສະຖານທີ່ໃນການຈັດງານສົບຄືກັບຕຳນານທົ່ງໄຫຫີນ. ນອກຈາກນັ້ນ, ພວກເຮົາກໍ່ບໍ່ຮູ້ຂໍ້ມູນອື່ນອີກ.

ຕາດສະເຫຼີ້ຍ

ໃນຊ່ວງເດືອນທີ່ອົບອຸ່ນ, ປະຊາຊົນຄົນລາວຈະມັກພາກັນມາພັກຜ່ອນຢູ່ທີ່ນ້ຳຕົກຕາດແຫ່ງນີ້. ແມ່ນໍ້າແມ່ນຈະໄຫຼລິນລົງມາຜ່ານທາງດ່ານຫີນ. ຖ້າທ່ານຕ້ອງການປີນຂຶ້ນໄປເທິງຈູດສູງສຸດ ແມ່ນກໍ່ຈະມີເສັ້ນທາງທີ່ຢູ່ໃກ້ໆບໍລິເວນນັ້ນ. ຊຶ່ງຢູ່ໃນເຂດນັ້ນກໍ່ຈະມີບັນດາພໍ່ຄ້າຊາວຂາຍທີ່ພາກັນມາຂາຍອາຫານວ່າງ ແລະ ແຜ່ນແພທີ່ຜະລິດຢູ່ໃນເຂດທ້ອງຖິ່ນຂອງປະຊາຊົນບັນດາຊາວເຜົ່າ.

ປ່າສະຫງວນແຫ່ງຊາດນ້ຳແອດ-ພູເລີຍ

ຄົນຮັກທຳມະຊາດແມ່ນຈະຖືກໃຈພື້ນທີ່ນີ້ເປັນພິເສດ ເພາະເປັນພື້ນທີ່ທີ່ມີໂອກາດສູງສຸດທີ່ຈະເຫັນສັດປ່າທີ່ມີຢູ່ໃນປະເທດລາວ. ການທ່ອງທ່ຽວທີ່ເປັນທີ່ນິຍົມທີ່ສຸດແມ່ນຈະເປັນແບບ Night Safari ການເບັດຍາມກາງຄືນດີໃນໜຶ່ງມື້ ຊຶ່ງນັກທ່ອງທ່ຽວຈະສາມາດເຫັນກວາງ, ແມວ, ແລະ ນົກ ຫຼາຍຊະນິດທີ່ອາໄສຢູ່ຕາມທຳມະຊາດຂອງພວກມັນລຽບຕາມແມ່ນ້ຳ. ນອກຈາກນີ້, ຍັງມີການຍ່າງປ່າແບບຫຼາຍມື້ ຊຶ່ງຈະໄດ້ຍ່າງຜ່ານປ່າເມກໝອກໄປຈົນຮອດຍອດຂອງພູເລີຍ.

ຮູບໂດຍ ພູນຊັບ ເທວົງສາ

（昆明信息港综合整理）

这个偏远的省份只要去到那里便能让人留下深刻印象

华潘省位于老挝东北部，是一个游客罕至，鲜有人前往亲眼所见、亲身体会的地方。华潘省从巍峨的山脉到美丽的瀑布再到壮丽的洞穴，到处遍布着美丽的自然风光。该省还拥有多样的民族，美丽的编织传统和丰富的历史。随着开设新机场的计划开始实施，华潘未来肯定会迎来大量的游客。因此，想要体验华潘省的自然美景，一定要在大批游客前来参观之前先到访。

华潘省省会桑怒省

华潘省的省会是桑怒省，桑怒省有苗族、泰丹族、泰连族和泰勒族的手工艺制品，在南桑河边的民族市场上摆卖，这座安静祥和的村庄坐落在老挝最美丽的山区中，同时也是革命聚集地。大多数游客来到桑怒省主要为了参观老挝优秀的历史，欣赏优美的自然风光。