（ສະບາຍດີ ນັກຂ່າວສະໜຸກ）ວັນທີ 28 ເດືອນກຸມພາ, ກອງປະຊຸມສົ່ງເສີມການກໍ່ສ້າງບ້ານສຸກສັນຊາຍແດນແບບທັນສະໄຫມຂອງແຂວງໄດ້ຈັດຂຶ້ນຢູ່ເຂດການຮ່ວມມືເສດຖະກິດບໍ່ຫານ-ບໍ່ເຕັນ.

ກອງປະຊຸມຊີ້ອອກວ່າ, ປີກາຍທີ່ຜ່ານມາ, ບັນດາພາກສ່ວນຢູ່ທົ່ວແຂວງປະຕິບັດການຕັດສິນນະໂຍບາຍຂອງຄະນະພັກແຂວງ ແລະ ອົງການປົກຄອງແຂວງກ່ຽວກັບການກໍ່ສ້າງບ້ານສຸກສັນຊາຍແດນແບບທັນສະໄໝຢ່າງແຂ້ມງວດ, ສຸມໃສ່ບ້ານລຽບຊາຍແດນ 374 ບ້ານ, ເປົ້າໝາຍການກໍ່ສ້າງ 6 ຕົວ ແລະ ຊີ້ວັດການຊີ້ນໍາ19 ຕົວ, ຮັດແໜ້ນໜ້າທີ່ ແລະ ຄວາມຮັບຜິດຊອບຂອງການແກ້ໄຂບັນຫາ, ເຕົ້າໂຮມກຳລັງແຮງຂອງທຸກຝ່າຍ, ດໍາເນີນບັນດາວຽກງານປະຈຳປີ 2022 ຢ່າງສຳເລັດຜົນ. ມາຮອດປັດຈຸບັນນີ້, ຂັ້ນແຂວງໄດ້ປະສານງານ ແລະ ປ່ອຍທຶນການກໍ່ສ້າງ 13,63 ຕື້ຢວນ, ທັງໝົດ14.390 ໂຄງການທີ່ວາງແຜນປະຕິບັດໃນບັນດາເມືອງແລະນະຄອນຊາຍແດນໄດ້ເປີດສ້າງ 89.4% ແລະ ສໍາເລັດ59,7% , ຕົວຊີ້ວັດສໍາຄັນ 3 ຢ່າງ ຄື: ນໍ້າ, ໄຟຟ້າ, ເສັ້ນທາງໄດ້ສໍາເລັດຢ່າງຮອບດ້ານແລ້ວ.

ກອງປະຊຸມໄດ້ເນັ້ນໜັກວ່າ, ບັນດາພາກສ່ວນທ້ອງຖິ່ນຕ້ອງປະຕິບັດຕາມຫຼັກການ “ ສະແຫວງຫາຄວາມຈິງ, ໄວເທົ່າທີ່ຈະໄວໄດ້”,ຈັດຕັ້ງປະຕິບັດຕາມປະເພດ ແລະ ຊຸກຍູ້ການກໍ່ສ້າງບ້ານສຸກສັນຊາຍແດນແບບທັນສະໄໝຕາມລຳດັບ, ເພື່ອຮັບປະກັນໄດ້ສໍາເລັດຕົວຊີ້ວັດ19 ຕົວກ່ອນທ້າຍປີນີ້, ເພີ່ມຄວາມຮູ້ສຶກໄດ້ຜົນປະໂຫຍດ, ມີຄວາມສຸກ ແລະ ຄວາມປອດໄພຂອງປະຊາຊົນເຂດຊາຍແດນຢ່າງຕົວຈິງ.