(ສະບາຍດີ ນັກຂ່າວສຸດໃຈ) ວັນທີ 1 ມິຖຸນານີ້, ລັດຖະບານແຂວງຢຸນນານໄດ້ຈັດກອງປະຊຸມສົ່ງເສີມການລົງທຶນໂຄງການ "35102" ດ້ານອຸດສາຫະກຳວັດທະນະທຳແລະການທ່ອງທ່ຽວຂອງແຂວງຢຸນນານຢູ່ນະຄອນຄຸນໝິງ, 12 ໂຄງການໃນດ້ານອຸດສາຫະກຳວັດທະນະທຳແລະ ການທ່ອງທ່ຽວທີ່ສຳຄັນໄດ້ລົງນາມຢູ່ພາກສະໜາມເຊິ່ງກວມເອົາຕົວເມືອງທີ່ມີລັກສະນະ, ໂຮງແຮມຄຸນນະພາບສູງ, ບຳລຸງລ້ຽງຮ່າງກາຍແລະສຸຂະພາບ, ລະບົບສັງລວມດ້ານການທ່ອງທ່ຽວ, ການພັດທະນາທັດສະນີຍະພາບແລະອື່ນໆ, ຍອດເງິນການລົງທຶນແມ່ນເກືອບ 30 ຕື້ຢວນ.

ເພື່ອເລັ່ງລັດການພັດທະນາ ແລະ ນຳໃຊ້ຊັບພະຍາກອນດ້ານການທ່ອງທ່ຽວ, ພັດທະນາການເຊື່ອມໂຍງວັດທະນະທຳ ແລະ ການທ່ອງທ່ຽວ, ການປະດິດສ້າງຮູບແບບຂະແໜງການການທ່ອງທ່ຽວ, ເຕັກໂນໂລຊີສົ່ງແຮງໃຫ້ແກ່ການຫັນປ່ຽນຮູບແບບແລະຍົກລະດັບການທ່ອງທ່ຽວ, ຊຸກຍູ້ການພັດທະນາການທ່ອງທ່ຽວທີ່ມີຄຸນນະພາບສູງ, ຄະນະພັກແຂວງຢຸນນານແລະລັດຖະບານແຂວງຢຸນນານໄດ້ວາງແຜນແລະປະກາດໂຄງການສົ່ງເສີມການລົງທຶນ "35102" ດ້ານຂະແໜງການວັດທະນະທຳແລະການທ່ອງທ່ຽວແຂວງຢຸນນານ,ແຕ່ລະເມືອງວາງແຜນບໍ່ຕ່ຳກວ່າ 3 ໂຄງການໃໝ່ທີ່ມີມູນຄ່າ 10 ຕື້ກ່ວາຢວນ, ບໍ່ຕ່ຳກວ່າ 5 ໂຄງການທີມີມູນຄ່າ 5 ຕື້ກວ່າຢວນ, ບໍ່ຕ່ຳກວ່າ 10 ໂຄງການມູນຄ່າຫຼາຍກວ່າ 2 ຕື້ຢວນ, ແຕ່ລະເຂດວາງແຜນບໍ່ຕ່ຳກວ່າ 2 ໂຄງການທີ່ມີມູນຄ່າຫຼາຍກວ່າ 1 ຕື້ຢວນ.

ປະຈຸບັນ, ແຂວງຢຸນນານພວມມຸ່ງໄປເຖິງທິດທາງພັດທະນາການຫັນເປັນສາກົນ, ລະດັບສູງ, ລັກສະນະສະເພາະ ແລະ ສະຕິປັນຍາ, ເລັ່ງລັດປະຕິບັດໂຄງການໃຫຍ່ “35102”  ແລະ “ສິບໂຄງການ” ສໍາລັບການພັດທະນາການທ່ອງທ່ຽວທີ່ມີຄຸນນະພາບສູງ, ເລັ່ງການຫັນປ່ຽນຮູບແບບການທ່ອງທ່ຽວ. ໂຄງການສົ່ງເສີມການລົງທຶນ "35102" ໄດ້ເປີດເຜີຍໃນກອງປະຊຸມສົ່ງເສີມການລົງທຶນກວມເອົາຂົງເຂດພັກຜ່ອນບຳລຸງຮ່າງກາຍແລະສຸຂະພາບ, ລະບົບສັງລວມດ້ານການທ່ອງທ່ຽວ, ການທ່ອງທ່ຽວດ້ານວັດທະນະທຳໃນຕົວເມືອງ, ການພັກຜ່ອນຢ່ອນອາລົມໃນຊົນນະບົດ, ການທ່ອງທ່ຽວພ້ອມກັບການຄົ້ນຄວ້າຮຳຮຽນແລະໂຮງແຮມທີມີຄຸນນະພາບສູງ, ດ້ວຍຍອດຈຳນວນເງິນການລົງທຶນປະມານ 130 ຕື້ຢວນ.

ເພື່ອສືບຕໍ່ເພີ່ມທະວີການສະໜັບສະໜູນດ້ານການບໍລິການການເງິນຢ່າງຮອບດ້ານໃຫ້ແກ່ຂະແໜງການທ່ອງທ່ຽວດ້ານວັດທະນະທຳຂອງແຂວງຢຸນນານ, ອົງການສົ່ງເສີມການລົງທຶນແຂວງຢຸນນານແລະທະນາຄານກໍ່ສ້າງຈີນສາຂາແຂວງຢຸນນານໄດ້ລົງນາມ "ບົດບັນທຶກການຮ່ວມມືທະນາຄານ-ລັດຖະບານ". ຕໍ່ໄປ, ສອງຝ່າຍຈະດຳເນີນການຮ່ວມມືໃນການແລກປ່ຽນຂໍ້ມູນຂ່າວສານໂຄງການສຳຄັນ, ປະກອບທຶນສັງລວມ, ເຕັກໂນໂລຊີການເງິນ ແລະ ດ້ານອື່ນໆ.